قلبي سعيد

قلبــي سعيــد

كلمات: عبد الوهاب محمد
ألحان: سيـد مكـاوي

قلبـي سعـيـد ويــاك يـا حياتـي
ويـاك يا حياتـي قلبي سعيد
فرحـان فرحـة قلـب اتهنـا أيـوه اتهنا بيـوم العيد
حبـك خلى الكون في عينيه أجمل عالم من حوالي
كله جديد في جديد يا حياتي يا حياتي
أول مرة أشوف الدنيا
دنيا كبيرة ومش سيعاني
أول مرة ألاقى لعمري طعم ومعنى جميل إنساني
أول مرة لما أجي أتكلم
ألقى كلامي كأنه أغاني
أول مرة أحس بأني بعد الحب بقيت شيء تاني
عندي شعور وردة بترقص في الأغصان
حاسة بنشوة عصفور غنى له الكروان
آه لو تعرف بس يا غالي أنت بقيت إيه بالنسبة لي
روحي عقلي قلبي أملي
أنت المنى من غير تحديد
حبك خلي الكون في عينيه أجمل عالم من حوالي
كله جديد في جديد يا حياتي يا حياتي
حبك جاني في وقته يا روحي
جاني في وقته في وقته تمام
جاني ملاني سعادة
ما شفتش زيها كده ولا في الأحلام
منين يتصور إني هنايا فوق الوصف
بأحلى معاني
ولا يصدق لما أأقول له إني زماني سمح وأداني
عندي شعور وردة بترقص في الأغصان
حاسة بنشوة عصفور غنى له الكروان
آه لو تعرف بس يا غالي أنت بقيت ايه بالنسبة لي
روحي عقلي قلبي أمالي
أنت المنى من غير تحديد
حبك خلى الكون في عينيه أجمل عالم من حواليه
كله جديد في جديد يا حياتي يا حياتي
للدرجة دي هواك غيرني
للدرجة دي الهوى خلاني
روح شفافة ناعمة وراضية ما لهاش غير الحب أماني
آه يا عيني
عايزة الحب لكل العالم ويهنيه زي ما هناني
كل الناس سوى يبقوا حبايب ولا فيش حد يعيش وحداني
يفضل نور الحب علينا ليل ونهار
هنا وسرور يزودنا مودة باستمرار

من يعرف وردة لازم يكون سعيد على طول .... للدرجة حبك يغيرنا ويخلينا ناعمين وراضين بأنه يوم نلقاك يا وردتنا.....
_________________
Warda For Ever

مليون شكر فاتي

اقتباس :

آه لو تعرف بس يا غالي أنت بقيت ايه بالنسبة لي
روحي عقلي قلبي أمالي
أنت المنى من غير تحديد
حبك خلى الكون في عينيه أجمل عالم من حواليه

شكراااااا